محمدیاسین رضایی. ۱۴۰۱٫۰۱٫۰۸
کمیته‌ی بین‌المللی صلیب سرخ اعلام کرده است، که میلیون‌ها نفر در افغانستان به خدمات صحی دسترسی ندارند.
این کمیته امروز (دوشنبه، ۸ حمل) در تویتی نوشته است که هزاران مرکز صحی در افغانستان تعطیل شده‌اند یا هم کار نمی‌کنند.
به گفته‌ی این نهاد، بیماران در افغانستان مجبور می‌شوند برای درمان مسافت طولانی را طی کنند.
کمیته‌ی بین‌المللی صلیب سرخ افزوده است که اکثر شهروندان افغانستان توانایی پرداخت هزینه درمان در کلینیک خصوصی را نیز ندارند.
با قطع کمک‌های خارجی در پی روی‌کارآمدن طالبان در افغانستان، نظام صحی این کشور را با فروپاشی مواجه شده است.
کمبود دارو و تجهیزات و همچنین کمبود بودجه برای پرداخت معاش کارمندان صحی از چالش عمده مراکز صحی افغانستان دانسته می‌شود.
