محمدیاسین رضایی. ۱۴۰۱٫۰۱٫۰۷
انعام الله سمنگانی، معاون سخن‌گوی حکومت سرپرست طالبان اعلام کرده است، که بر اساس حکم ملا هبت‌الله آخوندزاده، رهبر طالبان هیأتی برای رویت هلال ماه در ماه‌های رمضان و عید‌ها تعیین شده است.
طبق حکم رهبر طالبان، این هیأت به ریاست مولوی عبدالحکیم حقانی، دادستان کل حکومت سرپرست طالبان و عضویت وزیران حج و اوقاف و امر به معروف و هم‌چنین نمایندگان دارالافتا تشکیل شده است.
انعام‌الله سمنگانی، امروز (یک‌شنبه، ۷ حمل) در تویتی نوشته است که این هیأت در سطح ولایت‌ها و ولسوالی‌ها نیز هیأ‌ت‌های را تشکیل می‌دهد تا «امور دیدن ماه در ماه‌های رمضان و عید‌ها را انجام دهند».
سمنگانی افزوده است که حکم و اعلان نهایی رویت هلال ماه از سوی قاضی‌القضات طالبان صورت می‌گیرد.
