منابع محلی در ولایت غور می‌گویند که در پی حمله‌ی یک نفوذی گروه طالبان، چهار پولیس در این ولایت کشته شده‌اند.
به نقل از روزنامه اطلاعات روز،ل زلمی کریمی، سخن‌گوی والی غور گفته است، که این حادثه بامداد امروز (دوشنبه، ۲۰ ثور) حوالی ساعت ۲:۰۰ در روستای «تیلک کاسی» در شمال شهر فیروزکوه، مرکز این ولایت رخ داده است.
اقای کریمی همچنان گفته است که سرباز نفوذی وابسته به گروه طالبان در هنگام پهره‌داری، چهار پولیس را تیرباران کرده است.
به‌گفته‌ی او، اجساد این سربازان به شفاخانه‌ی ولایتی غور منتقل شده است.
گروه طالبان تا کنون در این باره چیزی نگفته است.
