ارگ ریاست جمهوری، اعلام کرده است که وزیر اسبق صحت‌عامه عزل شده است.

در خبرنامه‌ای که امروز (شنبه، ۱۳ جدی) از سوی ارگ ریاست جمهوری به نشر رسیده آمده است، که به اساس فقره یازده ماده شصت و چهار قانون اساسی افغانستان،تعیین و عزل مقامات ارشد حکومتی از صلاحیت‌های رئیس جمهوری افغانستان است. قانون اساسی در این مورد وضاحت دارد.

خبرنامه‌ می‌افزاید که، وزیر اسبق صحت عامه از تاریخ (۱۱/۱۰/۹۹) طی حکم شماره (۱۳۹۶۹) جلالتمآب رئیس جمهوری اسلامی افغانستان عزل گردیده است.

در خبرنامه آمده است، که در این مورد نیازی به بحث‌های حاشیه‌یی و یا تجدید نظر دیده نمی‌شود.

ارگ ریاست جمهوری می‌گوید، که سرپرست وزارت صحت عامه به زودی معرفی خواهد گردید.