مقام‌های محلی در ولایت بادغیس می‌گویند، که دو عضو شورای ولایتی این ولایت به گروه طالبان پیوسته است.

حسام‌الدین شمس، والی ولایت بادغیس امروز (شنبه، ۱۹ سرطان) به‌رسانه‌ها گفته است، که فرید اخیزی و خان‌جان ظفر دو عضو شورای ولایتی این ولایت به گروه طالبان پیوسته‌اند.

والی بادغیس هم‌چنان گفته است، که گروه طالبان برای سومین‌بار شب گذشته بالای شهر قلعه‌نو مرکز این ولایت حمله گسترده انجام داده‌اند، اما نیروهای دولتی این حملات را دفع کرده‌اند.

او افزوده است، که درگیری میان نیروهای دولتی و طالبان تا ساعت ۴:۳۰ بامداد امروز جریان داشته است.

مقام‌های محلی بادغیس می‌گویند که شش ولسوالی این ولایت به گونه کامل به دست طالبان سقوط کرده است و طالبان حملات‌شان را به شهر قلعه‌نو متمرکز کرده‌اند.